كتب /رامى ذكرى
اصبح الرأى العام مشغول بما يفعله الرئيس عبد الفتاح السيسي من قرارات ومن هنا نفتح باب نقاش وبدأ ولم ينتهى بعد بين مؤيد ومعارض، الجزء التانى فا إلى هناك #تعالى_بقى_ياعمده
انت عمال تقولى حصل وحصل وحصل وليك نص ساعة بتتكلم بالأرقام وتقولى نمو وتقولى طاقة ومرة قناة ومرة سلاح ايه ياعم انت مش معانا فى البلد دى ولا ايه #ياسيدى_حصل_فعلا
لكن قولى ايه مشكلتك مع الارقام وهل انا كدبة فى حاجه من اللى قولتها وبعدين انت زعلان أننا بقى عندنا سلاح وطاقة #لا_ياعمدة_مش_زعلان_لكن_تعبان
تعبان من الأسعار والغلاء الفاحش والأيام اللى شبه بعضها وبعدين فى ناس مش لاقيه أكل ولا فلوس ولا شغل تموت يعنى ولا تعمل ايه #قولى_ياعماد_نعمل_ايه
المرتبات ضعيفة والمطالب كتير ايجار وفواتير كهرباء عالية وأكل غالى ومابقتش قادر أتنفس #ياعم_اسمعنى_زى_مابسمعك
هو اللى احنا فيه دا هو اللى عمله ما كل اللى انت فيه ده بسبب فساد 30 سنه ودا فاتورة سداد #ياعمده_بطل_جهل
الأسعار رفعها بسبب المشروعات اللى انت بتقول عليها
اللى كلها اتعملت بالدولار الأمريكي #حلو_اوى_الكلام_ده_ياعمنا
واحده واحده معايا بقى نتكلم بالعقل
عندك فوائد القروض اللى بتدفع بالدولار قولى بقى انه هو اللى داين البلد
وقناة السويس الجديدة كان لازم تتعمل فى سنة عشان تشتغل قبل مشروع اسرائيل عارفه بتاع حيفا وتل أبيب
عشان كده كان لازم نجيب معدات ثقيلة من الخارج وطبعا لازم ندفع بالدولار #اقولك_تانى_
عندك قرض قطر كان لازم يرجع عشان ماندفعش الفوائد أربعة اضعاف
ومحطات الكهرباء اللى وفرت لينا النور اللى كلنا بنستخدمه باهدار
واللى بسبب انخفاضها هرب مستثمرين كتير كان لازم ندفع بالدولار ولا انت النور بيقطع عندك
والسلاح اللى هايكون وسيلة حمايه من كل العالم عشان مانوصلش فى يوم لباقى الدول العربية اللى ادمرت
كان بالدولار #مش_بس_كده_يادرش
وعندك انهيار أسعار النفط كانت فرصة ولازم نستغلها عشان يكون عندنا مخزون حتى 2018
وعندك انهيار السياحة ضيع 10 مليار دولار
وكثرة الواردات وقلة الصادرات ليه تأثير على الدولار
قلة تحويلات المصريين فى الخارج ليها تأثير على الدولار
قرارات محافظ البنك المركزي ليه تأثير
تأثيرات التجارة العالمية ليها تأثير كبير #ياعمدة_ارحم_امى
انا ماليش دعوة بكل ده انا عايز اكل وشرب وفلوس انا خايف السلام بعد كده يبقى بفلوس كل يوم ضريبة وكل يوم حمل جديد مش قادر ياجدع مش قادر #ياعمنا_لازم_كلنا_نستحمل
ازاى يامصطفى هو النجاح مش بيحتاج مجهود وتعب وعناء ولا احنا عايزين حكومة شو تضحك علينا با زيادة فى الراتب ولا بتعين كام فرد وتسبنا فى ظلام بدون خدمات هو احنا ليه النسيان طبعنا
اقولك انا تعبت النهارده خلينا نتقابل مرة تانية ونكمل كلام سلام بدون خصام سلام
كتب /رامى ذكرى
